Sjoe Sjoe dis {Tiramisu}

Tiramisu*

Trek daardie ou resepte nader en ontdek die outydse Venesiaanse tert, ook meer bekend as Tiramisu.

Lig, vinnig en met 'n knertsie brandewyn én soetwyn is hiérdie tert een vir die boeke! Daar is eindelose opsies aan hierdie resep. Jy kan bylas en verander na eie smaak!

'n Mens kan eintlik hierdie tert 'n Venesiaanse 'cocktail' tert noem, want die geure wat in hierdie Tiramisu gemeng is, sal jou verseker opkikker!

Bestandele:

2 Eiers (geskei)

1/2 Koppie Strooisuiker

3ml Kremetart

250g Roomkaas

2 Eetlepels Hanepoot Soetwyn

2 Eetlepel Brandewyn

5ml Vanielje

1 Koppie sterk koffie

1 Teelepel suiker

2 Pakkies Vingerbeskuitjies

5ml Kakao

Metode:

1. Skei eiers. Klits strooisuiker by eiergeel.

2. Voeg kremetart by eierwit en klits tot styf.

3. Gooi eiergeel- en strooisuikermengsel oor

in 'n glasbak en sit oor kastrol met warm water.

4. Roer vir ongeveer 5 minute oor warm water.

5. Roer roomkaas deeglik in mengsel in.

6. Pak solank vingerbeskuitjies in 'n tertbak uit.

7. Voeg goedgeklitste eierwit en kremetart

by mengsel. Meng deeglik deur. Roer vir ongeveer

5 minute en haal van stoof af.

8. Meng die koppie sterk koffie, suiker en

die ander helfte van die soetwyn en brandewyn.

Doop jou vingerbeskuitjies in die koffie-mengsel.

9. Pak een laag geweekte vingerbeskuitjies in

tertbak. Gooi een lagie mengsel bo-oor. Herhaal

 nog 'n geweekte vingerbeskuitjie laag.

10. Gooi 'n laaste lagie roomkaasmengsel oor.

Sif kakao bo-oor tert. Sit tert in yskas om af

te koel en te set.

*Betower jou gaste met Tiramisu!

All ingredients products used in this post were purchased by KoekiesEnCream.