Ek het onlangs 'n Peppermint Crisp Tert geplaas met 'n heerlike Tennisbeskuitjiekors. Vandag het ek besluit om my eie weergawe van 'n tennisbeskuitjie te bak - 'n sjokolade een! Hierdie beskuitjiekors neem effens langer as die gewone krummel- of broskors omdat jy eers die tennisbeskuitjies self moet bak, maar dit is 100% die moeite werd.
Die heerlike heuning en klapper geure werk fantasties saam met 'n tikkie sjokolade - kakao. Hier is die resep:
100g
sagte botter
1
k suiker
80g
bruinsuiker
1
k meel
1
eier
1
teelepel koeksoda
1
k klapper
3
eetlepels heuning
1
½ eetlepels kakao
1
teelepel vanilje
{Metode}
Klits botter en suikers saam tot romerig. Voeg eier
en vanilje by. Sif droë bestanddele in en meng goed. Voeg heuning en klapper by
en meng deur. Op ‘n gesmeerde bakplaat (dit sal ongeveer twee bakplate neem),
plaas ongeveer 2cm deegballetjies op die bakplaat en bak vir 10 minute op
180*C. Plaas die klaar gebakte koekies op ‘n droograk om af te koel.
Wanneer die koekies heeltemal afgekoel is, plaas
hulle in ‘n deursigtige sterk plastieksak en kap die koekies fyn. Smelt 3
eetlepels botter en meng dit tesame met die gekrummelde koekies in ‘n mengbak. Gooi
nou die koekie- en bottermengsel onder in die gesmeerde losboom koekpan,
versprei dit eweredig en druk plat sodat die koekies ‘n netjies beskuitjielaag
onder in die koekpan vorm. Sit in die yskas terwyl jy die res van jou gekose tert voorberei.
*Die sjokolade tennisbeskuitjiekors smaak heerlik met 'n sjokolade yskastert of met 'n pepermenttert bolaag!
No comments:
Post a Comment